Sot, Fortesa i ka 70 punëtorë, e ka hapur edhe një sallon të shitjes me hapësirë 1400 m² në Prizren krahas atij në Prishtinë dhe ka në arsenalin e saj një numër mbresëlënës të produkteve shumë kualitative dhe moderne për sanitari, banjo dhe shtëpi. Marrëdhëniet biznesore me brende shumë të njohura botërore si Versace Home, Bisazza, Grohe, Valentino e shumë të tjerë po forcohen vazhdimisht në mënyrë që sjellja e produkteve të reja në Kosovë të vazhdojë parreshtur. Tanimë, emri i Fortesës është i njohur edhe jashtë kufinjëve të Kosovës me blerës të kënaqur të cilët vijnë nga Gjermania, Zvicra, Shqipëria e Maqedonia.

Plot dy dekada pas lindjes së kompanisë, tregu i produkteve të banjos, sanitarisë e shtëpisë vazhdon ta ketë vetëm një emër në Kosovë. I ndërtuar me punë të palodhshme, me sallonet e shitjes ndër më modernet në Kosovë, iniciativën për të qenë prijës i tregut dhe me zgjedhjen e pashoq produkteve, ky emër është tanimë i dëshmuar dhe besuar në Kosovë dhe quhet Fortesa.